ការផ្សាយពាណិជ្ជកម្មតាមទីសាធារណៈ (OOH) គឺសម្ដៅទៅលើការផ្សាយពាណិជ្ជកម្មណាមួយដែលអតិថិជនអាចជួបប្រទះនៅតាមទីសាធារណៈ ដោយមិនរាប់បញ្ចូលការផ្សាយពាណិជ្ជកម្មដែលអាចឃើញនៅលើទូរសព្ទដៃ ឬ ឧបករណ៍ផ្ទាល់ខ្លួនផ្សេងទៀតឡើយ។ ការផ្សាយពាណិជ្ជកម្មតាមទីសាធារណៈអាចមានទម្រង់ជាច្រើនដូចជា ការផុសជាផ្ទាំងរូបភាព ៦សន្លឹក រហូតដល់ការផ្សាយពាណិជ្ជកម្មតាមអេក្រង់ឌីជីថល។ នៅពេលដែលមានការពាក់ព័ន្ធនឹងប្រព័ន្ធឌីជីថល ការផ្សាយពាណិជ្ជកម្មបែបនេះត្រូបានគេហៅថា DOOH ជំនួសវិញ។
ការផ្សាយពាណិជ្ជកម្មតាមទីសាធារណៈ(OOH) ដំណើរការដោយការដាក់ផ្សាយពាណិជ្ជកម្មរបស់ម៉ាកយីហោសម្រាប់អតិថិជនគោលដៅ ខណៈពេលដែលពួកគាត់កំពុងតែធ្វើដំណើរទៅកន្លែងធ្វើការ ដំណើរការកិច្ចការ និងជាទូទៅការធ្វើដំណើរជីវិតប្រចាំថ្ងៃរបស់ពួកគេ។ ទីតាំង និងបរិយាកាសនៃការផ្សាយពាណិជ្ជកម្មទាំងនេះត្រូវបានជ្រើសរើសដោយផ្អែកលើគោលដៅយុទ្ធនាការ និងការវិនិច្ឆ័យទស្សនិកជន។
នៅពេលបច្ចុប្បន្ននេះ ការប្រកួតប្រជែងកាន់តែមានភាពតឹងតែង ជម្រើសមធ្យោបាយក្នុងការផ្សព្វផ្សាយក៏កាន់តែកើនឡើង។ ដូច្នេះហើយ បន្ថែមពីលើការផ្សព្វផ្សាយតាមរយៈបណ្ដាញសង្គម អតិថិជនគួរតែស្វែងយល់បន្ថែមពីមធ្យោបាយផ្សព្វផ្សាយផ្សេងៗទៀត ដែលក្នុងនោះក៏មានការផ្សាយពាណិជ្ជកម្មនៅទីសាធារណៈផងដែរ។
ការផ្សព្វផ្សាយពាណិជ្ជកម្មតាមទីសាធារណៈនឹងបង្កើនការយល់ដឹងពីម៉ាកយីហោទៅកាន់អតិថិជន។ តាមរយៈការបង្កើតជាយុទ្ធសាស្រ្តផ្សព្វផ្សាយ និងការរួមបញ្ចូលយុទ្ធសាស្រ្តនៃការផ្សព្វផ្សាយលក្ខណៈក្រៅផ្ទះ (OOH) ដែលនឹងអនុញ្ញាតឱ្យអ្នកផ្សព្វផ្សាយពាណិជ្ជកម្មបំពេញគោលបំណងរបស់ពួកគេ – មិនថាជាការឈានដល់ទស្សនិកជនថ្មី ឬការពង្រឹងការផ្ញើសារនៃយុទ្ធនាការរបស់អាជីវកម្មកាន់តែទូលំទូលាយ។
ការផ្សាយពាណិជ្ជកម្មលក្ខណៈ OOH អាចត្រូវបានដាក់បញ្ចូលទៅក្នុងសកម្មភាពទីផ្សារគ្រប់កម្រិតទាំងអស់ ចាប់ពីយុទ្ធនាការម៉ាកយីហោថ្នាក់ជាតិ រហូតដល់ថ្នាល់អន្តរជាតិ។ អត្ថប្រយោជន៍ទាំងនេះមានច្រើនលើសពីការស្គាល់ម៉ាកយីហោទៅទៀតដែលរួមមានទាំង៖
